Lauflétt að lesa - Bekkurinn minn 5: Leonora
2.490 kr
By Bókabeitan
Þessi bók fjallar um Leonoru og orðróminn um varúlfinn í skólanum. Er Héðinn húsvörður í alvörunni varúlfur sem er læstur inni í kompu þegar myrkið skellur á?
Daginn fyrir hrekkjavökuna komast Leonora og Ragnar til botns í málinu.
BEKKURINN MINN - LAUFLÉTT AÐ LESA er einfaldari útgáfa af hinum vinsæla bókaflokki Bekkurinn minn.
Hver bók er sögð frá sjónarhorni eins nemanda í íslenskum grunnskóla. Sögurnar eru áhugaverðar og spennandi og henta einstaklega vel fyrir þá sem eru að stíga sín allra fyrstu skref á lestrarbrautinni.
Höfundur texta: Yrsa Þöll Gylfadóttir
Höfundur mynda: Iðunn Arna
Blaðsíðufjöldi: 35
Bekkurinn minn og Bekkurinn minn: Lauflétt að lesa eftir Yrsu Þöll og Iðunni Örnu.
Þegar fyrstu bækurnar í upprunalegu seríunni komu út sýndu viðtökurnar að það var greinilegur skortur á lesefni fyrir nýlega læs börn. Það kom fljótt í ljós að jafnvel fluglæs börn hafa gaman af Bekkurinn minn og eru forvitin að kynnast öllum þessum ólíku börnum í bekknum, hverju með sína sögu og sjónarhorn. Enda endurspegla bækurnar íslenskan veruleika sem flest grunnskólabörn þekkja. Fljótlega sáum við að það vantaði líka skemmtilegt lesefni fyrir ný-nýlæsu börnin, þau sem eru rétt svo farin að stauta sig fram úr orðum og setningum. Það er auðvitað mikið um slíkar bækur sem börn fá í heimalestri í skólanum, en það eru ekki margar þeirra til sölu á almennum markaði, og ekki margar seríur til. Þess vegna kviknaði hugmyndin að Lauflétt að lesa seríunni. Bækurnar eru ennþá léttari útgáfa af fyrri bókum: sama saga, sömu myndir, en textinn er enn einfaldari og letrið stærra.